لا‌َزَوَرد أرمِينوس.

عنده كاريزما مو طبيعية ويميل للبس السواد لان يمثل شخصيته الغامضه عنده سلسلة جرائم وكل سلسلة الها اسم وعدد هائل من الضحايا على سبيل المثال سلسلة جرائم الفيزياء بهاي السلسلة كدر يقضي على عدد لا يحصى من الناس الموضوع لو تباوعله وتتعمق بي كلش مخيف يعني انسان مرتكب هالقدر من الجرائم بس بعده حر طليق ياكل ويشرب وعايش حاله حالك؟ اكو ناس كدروا ينجون من السادس وحاليا هم عايشين بأمان بنفس الوقت اكو ناس السادس ما يقبل يعوفهم بسبب وحشيته وتفكيره السادي يريد يشوفهم يتألمون ويتعذبون ويتوسلون للرحمة! والسنه الجاية راح يلزم الاف الضحايا وندخل بدوامة جرائم جديدة واذا محد كدر يوكفه عند حده هاي الجرائم راح تصير مراسم سنوية! انت متخيل!! جرائم كل سنة داير مادايرك! وممكن انت او واحد من اهلك او اقاربك يكون ضحية للسادس!! هالانسان المختل يلزم اخوك بس تخيل! الموضوع كلش مخيف واتمنى الجهات المعنية تتخذ اجراء بشأن هذا الانسان العراق جاي يروح واروح الشباب والبنات تضيع بسبب السادس والي ماراحت روحه راح عقله رسالة مكتوبة بانامل احدى ضحايا السادس التي لم تستطع الهرب وستبقى اسيره السادس للعام القادم. #نطالب_بتنفيذ_حكم_الاعدام_بالسادس

السلام عليكم هواي ناس تشكي من مشكلة وهاي المشكلة منتشرة بالعراق بشكل مخيف المشكلة هي "عدنه طالب سادس" مبدئيا الموضوع جان عادي بس بده يتطور بشكل مخيف يعني احدى المشكلات الي وصلتني "دكتورة نور انا كاعد واجه اخوي طالب السادس عضني ورجع يقره؟ شنو تفسير هاي الحاله؟ " عيني وماي عيني هاي الحاله ممكن تظهر لمن الطالب يكون باقصى مراحل التعب وعقله يقفل فيكوم يسوي اي شي يطخ بباله واحياناً اخرى تظهر بفترات الامتحانات يعني من يكون عنده امتحان شهري او نصف السنة وممكن الحالة تصير اسوء باضعاف بامتحانات نهاية السنة بنهاية الحلقة اكوللكم الحل لكل الاعراض لا يضل بالكم وهم اكو حاله وصلتني تكول"دكتورة نور يمه بنيتنه طالبه سادس من تخلص دراسه تجي تكعد يمنه تحجي اشياء غريبة عجيبه تطلع سوالف من جوه الكاع تغلط على اخوانها حتى يكتلونها وتروح تبجي وتنام شنو تفسيرها يمه؟ " هلا خاله عيوني انتِ، خاله بنتج تريد تفرغ طاقتها السلبيه بس مالكت طريقة سوى انو تخلي اخوانها يكتلوها حتى تبجي وترتاح والحل راعوها واحجوا وياها حتى لو سوالفها مابيها ربط حاله اخرى وصلتني تكول"السلام عليكم دكتوره شلونج انا طالب سادس وصارلي تلث سنوات وصار بيه توحد ما احجي وي احد ودائما كاعد بالزوية" وعليكم السلام خوية طبعا هاي من الحالات الخطيره الي سجلتها لحد الان هاي الحاله تجي من التعب الشديد والضغط وفقدان العقل بسبب وزير التربيه ومواد السادس وانت يا اخي كدامك بس هالسنه حتى تطلع من السادس واذا ماطلعت فانت تحلم السادس يفك ياخه منك كلما انطيت الشخص مجال كلما شاف نفسه عليك ختاما اعزائي ننطيكم الحل وهو مراعاة طلاب السادس اذا كانوا الوفين ربطهم اذا كانوا عنيفين يعني يعضون يطكون يأذون الاطفال توفير المأكل والملبس الجيد لهم حتى يتغير مودهم توفير الجو المناسب والتحفيز المستمر والابتعاد من التخويف شاركوا المقطع وانشروا بكل مكان حتى نكافح هاي المشاكل المنتشره بوطننا العراق أيد بأيد لوطن خالي من السوادس المختلين ودمتم في حفظ الله ورعايته.

الخبزة لخبازها

.