هُزار ✰

تخيل توصل لمرحله تنام وانت تبچي تنسد عيونك والدمعه بعدها تمشي على خدك تحچي ويا روحك قبل تنام تكول كافي تعبت بعد ما بيه حيل تتنفس بصعوبه وكل زفير بيه وجع سنين تغمض عيونك مو لأنك مرتاح لا لأنك يائس لأنك ضايع لأنك ما عاد يهمك شتصير بكره تنام وانت شايل هم البارحه وهم اليوم وهم الجاي تحلم وانت تبچي تصحى وانت مبلل من دموعك محد يدري بيك محد يحس شلون قلبك مكطوع شلون روحك تسولف بس محد يسمعها النوم صار مهرب بس حتى الهروب صار مؤلم لأنك تنام بقلب موجوع وتصحى بقلب اثقل وتعيش يومك بنفس التعب بنفس الهم وبنفس الوجع وكأنك محكوم تبچي بصمت وتنام بدمعه

تدري شلون يحس الي ما عنده احد يصيح بصمت صوته ما يوصل لاحد يمشي بعتمه البرد ياكل عظامه واذا طاح ما احد يمد له ايده يشيله انا هذاك الي الدنيا ما رحمته الي ضحكته مزيفه دمعته حقيقيه الي نام بليله بلا وساده يحجي للحيط لان ما عنده صديق احجي يا ربي كل يوم مو شكوه بس فضفضه مكسور اكله ليش يا الله شنو قصرت ما جاوب بس نزل مطر كنه يبجي وياي ما اريد شي لا حنان لا فلوس اريد بس صدر اوي عليه ابجي بلا خجل اريد حضن ما يكلني كافي شبيك اريد احد يكول ترى تعبك مو قليل بس الظاهر تعودت اعيش وحدي الضحكه البسها الحزن جوه جلدي اذا متت يمكن ارتاح اذا نسيتوني مو غريبه اني من زمان منسي

يمة ذوله اهل القصر ما لعبوني يمة من شافوني اجيت تنادسوا واستغربوني يمه ماسموني بسمي وكالو هذا ابن الفقير وشتموني وكالو هذا ابن الصريفه وعيروني يمة جا هو الفقير اشسوه من نجله ابعمرهم ؟ يمه جا هيه الصريفه شماخذه وخايف قصرهم يمه كالو لاتمر منا بعد بالك تشم ريحة وردنه وكالو بجدمك الحافي نخاف يترب عكَدنه يمه عدهم كلشي عدهم واحنه بس الماكو عدنة .. يمه لعابات عدهم مدري شنهي , وانه لعاباتي طين يمه حته ثيابهم مستغربتني يعاتبن ثوبي الحزين يمه جا ليش احنه فقره وليش اهلهم زناكَيل يمــــــه دين الفقره متعب خل نبدله بغير ديــــــن..