تخيل توصل لمرحله تنام وانت تبچي تنسد عيونك والدمعه بعدها تمشي على خدك تحچي ويا روحك قبل تنام تكول كافي تعبت بعد ما بيه حيل تتنفس بصعوبه وكل زفير بيه وجع سنين تغمض عيونك مو لأنك مرتاح لا لأنك يائس لأنك ضايع لأنك ما عاد يهمك شتصير بكره تنام وانت شايل هم البارحه وهم اليوم وهم الجاي تحلم وانت تبچي تصحى وانت مبلل من دموعك محد يدري بيك محد يحس شلون قلبك مكطوع شلون روحك تسولف بس محد يسمعها النوم صار مهرب بس حتى الهروب صار مؤلم لأنك تنام بقلب موجوع وتصحى بقلب اثقل وتعيش يومك بنفس التعب بنفس الهم وبنفس الوجع وكأنك محكوم تبچي بصمت وتنام بدمعه