من متى كانت أجاباتنا على قد السؤال . ومن متى كانت سوالفنا سوالف بارده . ومن متى الوعد يتأجل ، ويتأجل الأتصال . ومن متى قلبي فأمانك ،والهجوس أطارده . ومن متى كلمة أحبك يوم كامل ما تقال . ومن متى أسولف على عينك ، وعينك شارده . ومن متى أسرد لك كلام ، وما تلقي لسرد بال . ومن متى أعيد الكلام ، اللي من أول سارده . ومن متى تجرح شعوري بالمخاصم والجدال . وتكسر جناحي من عندك وانا فارده . كان قلبي يعتبرك الجسر ، لبلوغ المحال . وكان شايف فيك ، فانوس الطموح ومارده . كل ما ألقى فيك خصلة ، جاذبة بين الخصال . ارجع ألقى فيك خصلة من خصالك طارده . للأسف .. كنت الفراق اشوفه أقرب للخيال . صرت اشوفه واقعي جداً ، وفكره وارده