ده المنشور التالت في سلسله "انت عارف السنه دي" و هنكمل معاكم 3 سنن مهجوره جديده • السنة الأولى: قول دعاء لبس الثوب الجديد أو أي لبس الحديث: قال رسول الله ﷺ: "مَن لبس ثوبًا فقال: الحمدُ لله الذي كساني هذا الثوبَ، ورزقنيه من غير حولٍ مني ولا قوّةٍ، غُفِر له ما تقدّم من ذنبه." (رواه أبو داود، وصححه الألباني) الشرح: كل مرة تلبس لبس جديد أو حتى لبسك اليومي، لما تقول الدعاء ده، تاخد أجر كبير جدًا وربنا يغفرلك ذنوبك! بس ناس كتير مش بتقوله أصلًا. ~~~~~~~~~~~~~~~~~~~~ • السنة الثانية: الدعاء عند دخول السوق الحديث: قال النبي ﷺ: "من دخل السوق فقال: لا إله إلا الله وحده لا شريك له، له الملك وله الحمد، يُحيي ويُميت وهو حيّ لا يموت، بيده الخير، وهو على كل شيء قدير؛ كَتَب الله له ألف ألف حسنة، ومَحا عنه ألف ألف سيئة، ورفع له ألف ألف درجة." (رواه الترمذي وابن ماجه) الشرح: تخيل كل الثواب ده وانت داخل مول أو سوق تقول الدعاء بس؟ بس للأسف مش ناس كتير فاكرة الدعاء ده أو بتقوله. ~~~~~~~~~~~~~~~~~~~~ السنة الثالثة: السلام عند دخول البيت الحديث: قال رسول الله ﷺ: "إذا دخلتَ على أهلك فسلّم، يكن بركةً عليك وعلى أهل بيتك." (رواه الترمذي وحسّنه الألباني) الشرح: ناس كتير أول ما تدخل البيت، تسكت أو تقول "أنا جيت"، لكن السلام سنة، وفيه بركة وأمان للبيت كله. ~~~~~~~~~~~~~~~~~~~~ متنساش تدعي لاخواتنا في فلسطين و تصلِّ علي النبي