مرات الواحد يمر بظروف تخليه يشك بكل شي، بس بالنهاية يرجع ويتأكد إنه النية أهم شي بالدنيا. من زمان سمعت “وعلى نياتكم ترزقون” و ركزت عليها، بس من بديت أعيشها، شفت شلون الدنيا تصير أسهل وأخف حتى لو بيها تعب. النية مثل المفتاح، إذا كانت نظيفة تفتح لك أبواب الخير، واذا كانت عوجة، الدنيا تضيق عليك حتى لو كلشي ظاهريًا تمام. مرات تسوون شي بگلب صافي، بس الناس يفهمونه غلط يحكمون عليك، بس ما يهم، لأن بالنهاية الله يدري بالنية، وإذا الله وياك، شنو يهم الباقي؟ المهم تبقه تمشي بنية زينة، ما تخلي الدنيا تغيرك، ولا تخلي كلام الناس يأثر عليك. لأن كلشي راح يجيك حسب نيتك، فخليها دائمًا صافية، حتى تعيش براحة وما ينشغل بالك بأي شي ثاني.