بالنسبة لي مو مجرد فنانة أو آيدول مشهورة، هي شخص له مكانة خاصة جدًا بقلبي بطريقة ما أقدر أوصفها بسهولة، من أول مرة شفتها وسمعت صوتها حسّيت بإحساس مختلف، وكأن فيها شيء يلامس القلب مباشرة بدون استئذان. صوتها فيه دفا وقوة وراحة وصدق يخليني أرجع أسمعه بكل مرة وأبدًا ما أمل، وكل ما شفتها أكثر تعلقت فيها أكثر بدون ما أحس، لأنها مو بس جميلة وموهوبة، لا، فيها روح مميزة جدًا تخلي أي شخص يحبها ويتأثر فيهاحضورها على المسرح لحاله كفاية يخطف الأنظار؛ عندها كاريزما وهدوء وثقة بطريقة ساحرة تخليك تركز معها طول الوقت بدون ما تقدر تشيل عينك عنها، وحتى وهي واقفة أو مبتسمة فقط تحس إن المكان صار ألطف وأجمل بوجودها. وأحب فيها إنها رغم الموهبة الكبيرة والنجاح اللي بتوصل له، ما زالت عفوية وبسيطة وقريبة من الناس، وهذا أكثر شيء يخليني أحترمها وأحبها أكثر كل يوم.ابتسامتها بالنسبة لي مو مجرد ابتسامة، أحسها راحة وسعادة وتطمن القلب بطريقة غريبة، وضحكتها تخليني أبتسم تلقائي حتى لو كان يومي سيئ، وأحيانًا مجرد مشاهدة مقطع بسيط لها تقدر تغيّر مزاجي كامل وكأنها تنقل طاقتها الحلوة لكل اللي يحبونها. صوتها وإحساسها فعلًا شيء استثنائي، فيها عمق يخليك تعيش الأغنية بكل مشاعرك وتحس بكل كلمة وكل نبرة تطلع منها، وكأنها تغني وتؤدي من قلبها مباشرة، وهذا السبب اللي يخليها مميزة ومختلفة عن أي أحد ثاني.وكل مرة تتعب أو تحاول تكون قوية قدام الناس أحس بقد إيش هي إنسانة حقيقية وصادقة بمشاعرها، وهذا الشيء يخليني أتعلق فيها أكثر لأن فيها جانب حساس ولطيف يبين قد إيش قلبها جميل. وأكثر شيء أحبه فيها إنها دائمًا تحاول تعطي أفضل نسخة من نفسها للفانز وتسعدهم مهما كانت متعبة أو مضغوطة، وهذا الشيء يوضح قد إيش هي شخص يهتم بالناس اللي يحبونه فعلًا. «ENAMI ASA~»