ياهلا ومرحبا✨... أنا بقولكم سالفة صارت لي بنفسي، والله شاهد إني ما أزيد ولا أنقص كان ذاك اليوم فـ آخر الأسبوع، والمغرب قريب، وقلت بمر على النخل اللي جنب الفلج القديم إلي عدال بيتنا، بس بسوي لفة سريعة وبرجع. المكان معروف، وكنا صغار نلعب فيه دايم، بس ذاك اليوم كان غير… هدوووء مو طبيعي. وأنا أمشي، سمعت صوت ماي الفلج، بس الصوت كان غريب، كأنه حد يمشي معاي. أوقف؟ يوقف. أمشي؟ يمشي. قلت فـ خاطري: يمكن وهم، خلني أتوكل. بس فجأة… سمعت حد يناديني باسمي، صوت واطي، من ورا النخل: «تعال…» جسمي كله قشعر، التفت وراي، ما شفت حد، بس شفت ظل طويل، أطول من النخل نفسه، يتحرك شوي شوي. قلبي دق بقوة، ورجولي ما عاد يشلنّي. قلت: «أعوذ بالله من الشيطان الرجيم» بس الصوت رد علي، بنفس صوتي أنا! قال: «ليش تخاف؟ أنا أنت…» هني خلاص حسّيت الدنيا تلف فيني، ركضت بدون ما ألتفت، لا نخل ولا فلج ولا شي، بس ركض. ولما وصلت البيت، أمي قالت لي: «خيرك؟ وجهك أصفر!» قلت لها السالفة، سكتت شوي وبعدين قالت: «زين سويت إنك قريت، المكان هذا من زمان ما حد يقربه بعد المغرب… مو كل شي نشوفه يكون بشر.» إلى يومنا هذا، كل ما أمر من ذاك المكان، أحس حد يطالعني🙂… إذا تردوني اخبركم اشياء ثانية صارت لي عادي خبروني وأنا اخبركم✨ #انمي #قصص_رعب #anime #Animeista #أحبش_عمان