اعرف حد زمان كان ديما بيقول محدش تعبان زيه ف الشغل ( كان بيشتغل شغل محتاج مجهود بدني كبير ) كان بيشوف كل الناس اللي بتشتغل اي شغل تاني مرفهين جدا الحمدلله غير طريقه تفكيره لما شاف بعينه ناس تانيه ممكن تكون شغاله ف حاجه من وجهه نظره بسيطه و عاديه بس محدش بيعرف يعمل الشغل ده غيرهم و لا هما برضو يعرفوا يعملوا الشغل اللي هو بيعمله بستغرب جدا دلوقتي التنظير اللي بيحصل ع الناس ألحق ده بياكل و يشرب ف أماكن غاليه ألحق ده لما بيقعد ف مكان بيطلب اللي هو عايزه من غير ما يبص ع الأسعار ف المنيو ما هو معاه فلوس كتير ألحق ده بيشتغل من البت مش محتاج ينزل يروح مكان آخر الدنيا زي ما بيحصل معايا ألحق ده بيسافر بره شغال و بيتفسح تلاقي حد يقول ي عم هو انت بتعمل ايه يعني بتخترع الذره بعيد ان اللي بيقول كد ده مش قادر و لا عارف و لا عايز تعمل زيه !!! بس عمرك ما سئلت نفسك الشخص ده ايه ف حياته مشاكل صحيه مثلا مشاكل ف حياته مشاكل ف شغله نفسه طب ي سيدي انت لو شايف انه مش بيعمل حاجه و بتحسده ع حياته ما تعمل زيه و ارتاح زي ما هو مرتاح عادي محدش هيقولك لا او لو شايف ان اللي هو فيه ده ابتلاء ما تقول الحمدلله ان أنا مش زيه و ادعيله و خليك ف نفسك و ف حياتك او لو شايف انه فاشل قول الحمدلله اني مش مكانه عمر الواحد ما هيشوف الصوره كامله مهما حصل بس ديما لازم نقول الحمدلله الحمدلله اني احسن من غيري الحمدلله اني مرتاح الحمدلله اني شقيان الحمدلله ان عندي مبادئ الحمدلله ع كل حال ديما بلاش تنظير ع بعض بلاش تشوف الصوره من ناحيتك بس