سليمان: فرحان بحملها بنته الاخيرة عمرها 7 سنين وزوجته ماحملت اشتاق للعيال فاطمة: تتعذب اكثر كل ماتشوف فرحته سليمان: وعياله ينتظرون قدوم المولد على أحر من الجمر فاطمة: تدعي ربها انه يموت وهو في بطنها وكل ماتهدا حركته تفرح بس تطفى فرحتها اذا تحرك باحشائها تنتظره خبر وفاته اول مايخرج منها اقترب خروج الطفل وكانت تبكي بقوة سليمان: يسمي عليها ومستغرب منها فاطمة كانت دايم امراة صبورة جبارة اربع مواليد جابتهم كانت تخرج دمعه فقط وتخفي المها هالمره حملها بضيقه وولادتها بتعب رحمها أكثر ويدعي ربه انه يخلي له ولده و وزجته فاطمة: كل ماتسمع دعائه تتألم اكثر رفعت عيونها تدعي ان ربي ياخذها او هالولد الي ببطنها وترتاح صررراااخ طفل صغير وصل مسامع سليمان الي فرح يوم قالت له الممرضه مبروك ولد والام بشريني عنها الحمد لله كلهم تمام يتربى بعزك ان شاءالله رفع يدينه الحمد لله الحمد لله انتظر وقت الزيارة على أحر من الجمر دخل على زوجته باسها وضمها اختاري احلى هديه لانك جبتي لي احلى هديه من ربي وهالمره تعبتي فيه حيل فاطمة: تشوف فرحته وتسمع كلامه يزيد حزنها مابي منك ياروحي شي اهم شي فرحتك تقول هالكلمات وهي تحس انها تغشه