قالت يابناااات والله الدنياااا دي راااايحه وفي الأخرة مابتلقى إلا نفسك تعالوو اوريكم كيف..😔 أنا زمان حياتي مختلفة تماماً عن هسي زمان كنت أنا البنت الرهيبه الضحاكة ووناسه المكياج والتجديعات والونسه الكلها قطيعه وتنمرر ،، انا كنت بلم حوليني البنات في كل مناسبه بيجوني يقعدو معاي عشان التعاليق والونسه وفلان وفلانه والشمارات واقفين للناس ف الوحده حتى خصوصياتهم عاملنها محتوى للضحك والسخرية كل م نتلاقى أنا وبنات أهلى بنسأل أول حاجه الشمارات شنو وأنا كنت راااس الهووس بالمعنى الحرفى وارح الحفله دي وقداااام ف اي حاجه اي زول عايز يتونس ويضحك ويفرفش بيجي جمبي وفي كل المناسبات انا الامه البنات حوليني .... ف شاء الله وهداني الحمدلله وبديت إتغير وكان تغير فجأه بالنسبه للناس فجأه بقيت ملتزمة ف لبسي تصرفاتي حدودي مع الرجال بسعى انى اتقرب من ربنا وبس ولبست النقاب واموري بقت تمام❤️ قبل يومين حصلت مناسبه عندنا ف العيلة وانا مشيت عشان بت أهلى ماتزعل بس كنت مقررة أقعد بعيد وأكتفى ب السكوت عشان م اخش ف ذنوب ... وفعلا مشيت المناسبه وكانت الاغانى شغاله واللمة والبنات برقصو وكدة ف انا ف الأول وقفت بعيد وبفكر ف مخرج من الحته الفيها الأغانى والرقيص دي ، ولد عمتى صغير شلتو من امو وطلعت بيهو من الحته قعدت بيهو ف الحوش نظام ماسكة الشافع وعايزة اقعد بيهو في حته هادية ... اولاً البنات كلهم مستغربين التزامي وحقيقي شايفيني بقيت بااايخه !! لو جيت اتونس معاهم وجبت سيرة الله او مثلا اي سيرة عبادة بضحكو نظام اها ياشيخه مع انو الكلام بكون عااادي وجاء صدفة ومابكون عندي مقصد او رياء فهمتو على مثلا شغلو اغانى ف الحته وانا قاعده بقعدو بضحكو ويتنمرو اها ياشيخه واتخارجي من هنا وكده وبعد يتنمرو بقولو استغفر الله ويضحكو وحصل كم موقف ضايقني جداااا المهم يوم المناسبة دي قعدت برة وشايله البيبي وماسكة تلفونى وقاعدع برااي ف قعدت افكر وانا قلبي واجعنى كيف البنات الكانو ملمومين عندي وحوليني حاليا ملمومين وبتونسو وبضحكو بدونى وماف وحده فقدتنى وجات جمبي احساس كأنك هنتى وصُحبتك صُحبة ونسه بسس بس الحمدلله حتى لو بقيت برااي في الدنيا دي مااندمانه على التغير الأنا فيهو والراحة الانا فيها هسي بسبب العبادات والقرب من الله في حياتي مالقيتها الحمدلله🥹❤️ جاء في بالى بعد الموقف ده يوم القيامة إذا انا ماتبت من أعمالي وبدل الموقف ده يكون في الدنيا لو كان في الأخرة لو كان كلل البنات الكانو صحباتي وبتونسو وبضحكو معاي دخلو الجنه واتلمو هناك ويضحكو ويتنعمو بنعيم الجنه وأنا ف النار براااي💔 كيف ح يكون شعوري اذا انا ف الدنيا هنا بخير وعافيه زعلت من الوحده فكيف ح يكون شعوري ف الاخرة ؟ هل كان ح يطلبو من ربنا زي ماجمعنا في الدنيا يجمعني بيهم ف الاخرة هل ح يشفعو لى ؟ ولا ح أكون نسياً منسيا💔 عيشو يااااجماعه واتذكرو اليوم ده اتذكرو يوم امك وابوك وأخوانك وصحباتك وبنات أهلك وكلهم ح يتخلو عنكك يجرو منك وانت ف اشد الحوجه هسي لو احتجتى لحاجه ومشيتي لأختك طلبتيها وقالت ليك م عندي ليك شي انت العملتى كدة ف نفسك واتخلت عنك وانت شايفاها ف نعيييم وانت ف مصيبه ح تزعلى صااح؟ ح تحسيها اتخلت عنك وماشاركتك حتى زعلك يلا ف الاخرة كلللهم ح يتخلو عنك كدة كلهم ح يقولو ليك عملتيها ف نفسك براااك حتى الشيطان .. توبو يابنات وارجعو لي ربنااا وإذا لقيتو تائب ما تزعزعو في توبته وهو بحاول او بتحاول تثبت التنمر والضحك على زول هداهُ ربنا ممكن يكون سبب لدخولك الناااار راعو لكلامكم وأفعالكم والله يصلحنااا جميعاااا ياااارب🤲 ربنا يرزقنا الصحبة الصالحة والإحاطة بالصالحين ويهدي كل من نحب الى مايحب ويرضى 🤲❤️ #منقول