‏سنة 2025 ‏شهر 6 ‏يوم 21 ‏بيت السيد........ خطبوني الابنهم سيد حسن ‏مرن يومين واجونه للحله بابل ‏....... ‏يوم من العمر 💍✨ ‏ ‏يوم 22 في نفس السنة ‏والشهر " ‏في وقت الليل حضرت نفسي ورحت بيت عمي حتى يشوفوني اهل الولد (ختيبي🤚🏻💍) ‏دخلت كلت ‏ ‏: السلام عليكم ‏ ‏ردت مرت ابو ‏ ‏جنان: وعليكم السلام ‏ ‏رحت سلمت عليهه مباوس وكعدت يمهه ضلن يسولفن فه اجت مرت عمي كالت ‏ .....: بتول عمج يصيحج ‏ ‏كمت لكيت عمو.... كال : شلونج عمو ‏ ‏: الحمدلله ‏ : حبيبتي عمو شوفي هسه روحي لبسي عباتج وصيري هادئه لأن حصيحله للولد ‏ ‏: تمام عمو الله كريم ‏ ‏رحت لبست عباتي وحطيت عطر ورحت ويه عمه مرت عمو خلت كلت ‏ ‏: السلام عليكم ‏ ‏رد ‏ ‏: وعليكم السلام ‏ ‏بوكتهه كاعد يم الجربايه منتجي عليهه فه جان الخشبه مالت الجربايه فالته فه وكعت علي وعدلهه وكعد ‏ ‏رحت كعدت قريبا يمه من بعد ما ماما مرت ابو وعمه مرت عمي اشرلي روحي كعدي يمه رحت كعدت يمه ‏ونزلت راسي مستحيه حيل وافرك اديه ‏ ‏شاورتني مرت ابو الي ربته لأن امو ميته ‏ ‏: نروح نخليكم وحدكم ‏ ‏رديت بخوف واني اهز راسي ب لا ‏ ‏: يلا راح نروح ‏ ‏طلعن وخلنه وحدنه ضليت صافنه منزله راسي ومستحيه متوتره حيل فززني وهوه يكول ‏ ‏: شسمج؟ ‏ ‏: بتول ‏ ‏: شكد عمرج ‏ ‏: 16سنه ‏ ‏: العمر كله يارب ‏ ‏: تسلم ‏ ‏ ‏: وين مكمله دراسه؟ ‏ ‏: سادس وطالعه ‏ ‏: سادس ابتدائي؟ ‏ ‏: اي ‏ ‏: نجحتي وطلعتي ‏ ‏: لا ماخذيت الشهاده ‏ ‏: اها تمام ‏ ‏عم الهدوء نوب كال بأبتسامه خفيفه ‏ ‏: ماناويه تسأليني؟ ‏ ‏هزيت راسي بنفي ‏ ‏لا ‏ ‏رد ‏ ‏اسئلي لاتستحين شنو تريدي اسئلي ‏ ‏رديت بمستحى ‏ ‏لا ماعندي سؤال ‏ ‏رد عليه ولا شي ‏ ‏رديت ‏ ‏عرفني عن نفسك ‏ ‏ ‏كال ‏ ‏: اسمي حسن عمري 28 ‏ ‏رديت ‏ ‏العمر كله يارب ‏رد ‏ ‏اشتغل كذا وكذا ‏ ‏وسولفلي عن شغله نوب كال ‏ ‏لاتستحين شوفيني اخاف ماشفتيني وتالي تكولين ماشفته ‏ ‏رديت ‏لا شفتك ‏ ‏رد ‏ ‏اذا تردين انزع النضاره تشوفيني من غيرها ‏ ‏ ‏رديت ‏ ‏لا ماحاجه ‏: ههوه شكلي نفسه بنضاره وبغيرها بس من انزع النضاره نضري شوي ضعيف يعني اشوفج مغوش ‏اني هم ردت اسوي عمليه بس حاليا شويه الماديه مو. زينه ‏ ‏رديت بغباء وتفشلت ‏ ‏: الله يشافيك ‏(🤦🏻‍♀️يارربي اول فشله) ‏ ‏عم الهدوء رجع كال ‏ ‏لاتستحين سولفي ‏ ‏شسولف ‏ ‏اي شي المهم وخري المستحه ترا اني مو ما استحي بس يعني اني استحي وانتي تستحين عليمن كاعدين احنه غير نسولف بعدين ماكو غير هل كعده ‏ ‏نزلت راسي ساكته باوع شويه كال ‏ ‏عطشان اريد ماي ‏ ‏جانت الجكه يمي صبيتله وانطيته كال ‏ ‏شكرا ‏ ‏رديت بغباء وللمره الثانيه ‏ ‏كلت ‏ ‏ ‏رحم الله والديك🗿 ‏(🤦🏻‍♀️الفشله رقم 2) ‏ ‏شرب ماي وحط الكلاص على الارض ‏ ‏كال ‏ ‏طبعا هستوه من اجيت هاي الخشبه رادت توكع عليه ‏جان كسرتني واني جاي درب طويل تردون ترجعوني مكسر تدرين لو طايحه عليه شوسي جان اخذ فصل منكم ‏ ‏ ‏نزلت راسي بالكوه كاتمه ضحكتي تصنعت بأبتسامه خفيفه ‏ ‏ضحك نوب سئلني كم فرد انتم وجاوبت رد سئلني يامحله العيشه هنا لو بالبصره رديت بالبصره كال اي هم صدك هناك احسن صح هنا زرع وكذا بس يعني بالبصره احسن ‏ ‏كال ‏ ‏ماتوقعت الطريق هيج طويل حتى كلت للسايق عمي رجعني لا يكتلوني لأن جان الطريق يخوف ‏ ‏ضحكت بصوت ناصي وضحك على ضحكتي ‏ ‏نوب اجت مرت ابو كالت ماخلصتو ‏ ‏رد عليهه ‏ ‏شدعوه مسرع خلينه شوي ‏ ‏ردت ‏ ‏لا انجب حتى احنه نريد نكعد ‏ ‏كعدت يمي وكالت انتي شكد عمرج ‏ ‏كلت 16 ‏ ‏ردت تضحك ومسويه روحها ماسامعتني كالت ‏ ‏13 ‏ ‏ضحكت كلت لا 16 بعد اربع اشهر وادخل 17 ‏ ‏ ‏كال يعني انتي بشهر العاشر ‏ ‏رديت اي ‏ ‏كالتلي مرت ابو ‏ ‏كومي كعدي بم خواتج حتى نشوف رأيج ‏ ‏كمت يمهن وره شوي واجت امه (مرت ابو) ‏ ‏كالت ها شني سئلني عن الولد وشنو رأي نوب خلوني شوي اجت كالت امه ‏ ‏ترا هوه وافق بيج ويكول عاجبتني البنيه وموافق بقيتي بس انتي بعد ‏ ‏خلت وراحت دخل عمي وحجه وياي كال وافق الولد وماعنده مشكله واحنه مانريد نعطلهم بعد طريق طويل ولازم نسهل امورهم انتي شتكولين ‏ ‏ ‏كتله بتوتر ‏ ‏عمو عادي اصلي ركعتين واردلكم خبر ‏ ‏كال ‏ ‏ولله بابا عاتي بس مستعجلين هسه يردون يرحون ‏وهاي حياتج انتي مو حيات غيرج ولاتتقيدين وانتي اختاري براحتج هسه شكلتي موافقه ‏ ‏سكتت ونزلت راسي مبتسمه كلت ‏ ‏اتوكلو على الله .... ‏ ‏ ‏يتبع..... ‏