Topluluk
💔 لن تبيقي لك الي نفسك التي حطمتها من اجلهم *الصداقة...* الصداقة مو إننا نكون موجودين يوم نضحك بس، الصداقة إنك تلقين أحد يوم تبكين، يمسك يدك وما يتركك. بس اللي يوجع، إنها تختفي بدون صوت... كنا أمس نضحك ونحكي كل شي، واليوم أدخل عليهم، أحس إني غريبة، كأني ما كنت معهم أبداً. تختفي مو لأنك سويتي شي غلط، تختفي لأن بعض الناس صداقتهم مثل الصيف، حلوة بس ما تطول، أول ما يجي الشتا، يروحون ويدورون الدفى عند غيرك. وأنتِ؟ أنتِ تبقين واقفة بنفس المكان، تنتظرين يوم جميل صنعتيه بمخيلتك، يوم يجي فيه أحد صادق، ما يختفي يوم تدخلين. --- اللي يختفي يوم تدخلين، هو اللي ما كان يستاهل تكونين صديقته من الأساس.اييه ❤️‍🩹 *كيف تختفي الصداقة؟* تختفي مو فجأة، تختفي شوي شوي، مثل الشمعة يوم تخلص... أول شي، يصيرون يردون عليك متأخرين، بعدين يصيرون يشوفون رسايلك وما يردون، بعدين يصيرون يضحكون مع بعض قدامك، وأنتِ واقفة بينهم كأنك هوا، ما أحد يشوفك. تدخلين عليهم وهم يسولفون، وفجأة يسكتون، تحسين إنك ثقيلة عليهم، مع إنك أمس كنتي روحهم وضحكتهم. والمشكلة مو إنهم راحوا، المشكلة إنك باقي تحبينهم، باقي تنتظرينهم يرجعون مثل أول، بس هم راحوا وما عاد يفكرون فيك. الصداقة الحقيقية ما تختفي كذا، الصداقة الحقيقية مثل بيتك، مهما غبتي ترجعين تلقين مكانك محفوظ، مو تدخلين وتلقين الباب مقفل بوجهك. --- اسمعي، لا تحزنين على ناس اختاروا يختفون، ازعلي على نفسك لأنك عطيتيهم أكبر من حجمهم، انتي تستاهلين ناس إذا دخلتي عليهم، يفرحون ويقولون: *"أرحبي، نورتي، توك جاية؟ تأخرتي علينا!"* مو ناس يختفون يوم يشوفونك.