كنت بسمع سورة الإسراء، ووقفت شوية عند معنى آية مهيبة جدًا. ﴿وَكُلَّ إِنسَانٍ أَلْزَمْنَاهُ طَائِرَهُ فِي عُنُقِهِ﴾ يعني كل إنسان ملازم لعمله، خيره وشره، وكل اللي بيعمله في الدنيا هيفضل مكتوب عليه، وهييجي يوم يقرأ فيه كتاب أعماله بنفسه، زي ما ربنا قال بعدها: ﴿اقْرَأْ كِتَابَكَ كَفَىٰ بِنَفْسِكَ الْيَوْمَ عَلَيْكَ حَسِيبًا﴾ سبحان الله، آيات تخليك تستشعر قد إيه ربنا حسيب ورقيب على كل حاجة بنعملها، وإن مفيش حاجة بتضيع عنده، لا خير عملناه ولا ظـلم اتعرضنا له، وإن ربنا عادل لا يظـلم أحد، وكل إنسان هيلاقي نتيجة عمله قدامه. ربنا يرزقنا حسن العمل، ويجعل كتابنا مليان بكل خير نلاقيه يوم نلقاه.