أي ف اليوم چنا نطلع للبيوت و الخط مالتنة عطل بالگراج حاولوا يصلحوا ما گدروا و السيارة طلعت ريحة شعواط نزلنا من الخط خوفاً على سلامتنا و الجو چان بارد يعني شمس و كلش باردة چانت ساعة 1:00 الضهر المهم طلعت معاونة هاي معروفة شديدة و مكروهة شافتنا طببتنا لغرفة المعاونات گالت باردة عليكم چان باقي بس هي و معاونات 2 من طبينا چانت ساعة 1:30 گعدوا يسولفون ويانة و يشاقون و الحارس يگول صارت دنيا عصر شعدچن راجعات أبقن هنا نوصيلچن غدة بعدين صارت ساعة 2:00 گالوا لنا السيارة أشتغلت صعدنا و السيارة بعدها بيها ريحة شعواط بس صارت أقوى مشت السيارة وصلنا بنية و البنية الثانية وصلناها و عطلت السيارة يم بيتها ظلينا ربع ساعة بالشارع و أكو يمنا شرطة يباعون علينا و ما يسون شي السيارة ريحتها صارت أقوى و حتى گام يطلع منها حرارة المشكلة السيارة چانت واگفة ورة سيارة مال نفط مدري غاز (السيارات اليكتبون عليها خطر الأشتعال) المهم هو ما عنده رصيد و ما نگدر ندگ على أهلنا گلناله عمو نرجع مشي گال لا ابقوا هنا گلناله شنو واگفين بالشارع و الرياجيل يباعون علينا خل نروح بالأخير گال روحوا حتى ما كلف نفسه يجي ويانة إحنا قسم من عدنا كرادة و قسم زعفرانية جماعة الكرادة رحنا مشينا و جماعة الزعفرانية گلنالهم بس تعالوا ويانة تدگون على أهلكم يجوكم واگفات بالشارع شنو ما قبلن و گالوا روحون ديروا بالكم على نفسكم و أحنا رحنا و بالنة يمهم و هن بالهن يمنا و أخير شي كل وحدة وصلت لبيتها بس بنات الزعفرانية ما نعرف عنهن شي أريد بس يجي باچر حتى أطمن عليهن . چانت مغامرة حلوة و شوية تخوف من ناحية السيارة يعني حسيناها راح تنفجر بينا 🗿 مشينا ربع ساعة أو ثلث ساعة و وصلنا و هاي هي 🙂‍↕️ . #تيم_چاي_وچذب #صدگ_والله