«شلونك صديقي، تعرف شنو الحزن؟ الحزن هو استجابة نفسية تحدث لما نفقد شيء مهم بالنسبة لنا، شخص، علاقة، فرصة، أو حتى صورة كنا نتخيلها لمستقبلنا. بس الحزن مو مجرد احساس بالألم، هو طريقة العقل حتى يتعامل ويا الخسارة، ولهذا مرات الحزن يخلينا ننعزل. نقلل كلامنا، نفقد رغبتنا بالأشياء اللي كنا نحبها، وحتى أجسامنا تتأثر بالحزن. والأغرب إنه الإنسان ما يحزن فقط على الشيء اللي فقده، وإنما يحزن أيضاً على الشيء اللي كان يتمناه يصير وما صار. يعني ممكن تحزن على علاقة انتهت، وممكن تحزن على مستقبل كنت تتخيله ويه شخص وما تحقق. لذلك الحزن مو دائماً علامة ضعف، أحياناً هو دليل على الشيء اللي فقدته كان يحمل معنى حقيقي بحياتك. وأحياناً أصعب شيء بالحزن مو إنك تبكي على اللي راح، وإنما تكمل حياتك وأنت تعرف إن الشيء اللي كنت تتمناه بكل قلبك ما راح يرجع يا صديقي، فما يفيد الحزن.»