يا بت أمي اسمعيني.. مافي حاجة اسمها حب قبل الزواج، الحب الحقيقي بجي بعد العقد، بعد ما تبقي حلاله قدام ربنا والناس. أي كلام حلو في التلفون، أي وعود، أي "أنا ما مصدق انك معاي" ده كله كلام ساي عشان تقعي. لو بحبك بالجد بعرف درب بيتكم وين، بجي بدق الباب، ما بدق ليك في نص الليل. ما تقولي لي ده بحبني أكتر من أي زول، والله البحبوك كتار، بس انتي المغشوشة. خليك واعية، ما تدي قلبك لزول ما ضمن مستقبلك، عشان ما تجي يوم تبكي براك وهو عايش حياته ولا همه. احفظي نفسك، والبستاهلك بجيك بالحلال، وما بروح منك.