🌾 شرح لحظة سقوط تاليا والبحث عنها — "الحقل المنسي." بعد ما فاركاس أنقذ تاليا وحطّها بمكان آمن، تاليا اكتشفت إن حتى المكان الآمن صار يتعرض لهجوم التنين والمخلوقات، فاضطرت تهرب منه. وبعد ما ابتعدت، شافت فاركاس مرة ثانية، وكان مصاب لكنه تقريبًا ما تأثر 😭 تعرفون الجنتل والـريد فلاغ اللي ما يهزه شيء؟ إي هو هذا. ريدفلاغ بالمعنى الحرفي برأيي بس بعدين بدﭢ يتعدل ويصير ( green flag) المهم، فاركاس اقترب من تاليا، وهي كذلك قربت منه، وكانوا حرفيًا على وشك يتعانقون... إلا وتطلع لنا الحيةةة أيلا وتصرخ: «فاركاس! ساعدني!» 😐 فاركاس، طبعًا، ترك تاليا وراح عند أيلا. وبعدها بلحظات ظهر التنين، وتوجه مباشرة نحو تاليا، ومسكها بمخالبه وطار فيها! 🐉 الجنود حاولوا يتصرفون، وأمروا برمي الصخور النارية على التنين، لكن أحدهم نبّههم: «تاليا مع التنين!» وكان الرد بكل برود: «ما يهم.» 🙄🙄 وفعلًا رموا الصخور النارية... 💥 التنين سقط، وتاليا سقطت معه، والحطام انهار فوق رجليها. وهنا صار المشهد مؤلم جدًا؛ رجلي تاليا انحشرت تحت الحطام وتعرضت لإصابة شديدة جدًا، وكانت تنزف وتتألم بشكل مرعب. ورغم كل هذا، كانت تنادي: «فاركاس...» وكان عندها يقين إنه راح يجي وينقذها. يعني عيني فركوسةة، شوف حتى وهي بهالحالة تصيح باسمك 😭. --- وبنفس الوقت، غاريث — أخو تاليا غير الشقيق — قرر إنهم لازم يرجعون للقصر بسرعة، خصوصًا بعد الهجوم، وبدأ يجهز للرحيل ودفن الموتى. لكن إدريك اعترض وقال إنهم ما يقدرون يتركون تاليا. وفاركاس أيضًا وافقه، لكن غاريث رفض بالبداية. وهنا تدخلت أيلا وقالت لهم بمعنى: إذا كانت تاليا ماتت، خلّوهم على الأقل يجيبون جثتها، حتى تقدر تحرق قلب والدتها سينيفير. وبهذا السبب وافق غاريث على البحث عنها. وبدأوا يدورون على تاليا... . وبعد مرور وقت، أخيرًا لقوها. وهنا كانت الصدمة. لما فاركاس شاف تاليا، تجمّد بمكانه من شدة الصدمة، حتى إنه ما قدر يتحرك للحظات. أما إدريك، فأول ما شافها شهق ونزل لها بسرعة. وبعدها فاركاس تحرك ونزل عندها، وحضنها، لكنه انصدم أكثر لما استوعب حجم إصاباتها؛ لأن الجزء السفلي من جسدها كان مخفيًا تحت الحطام، وما كان ظاهرًا لهم إلا الجزء العلوي منها. أما تاليا، فكانت مرعوبة ومتألمة جدًا، خصوصًا بعد ما شافت التنين الميت بجانبها واستوعبت اللي صار لها. --- 🩸 لكن السؤال الأهم: ليش ظهرت التنانين والمخلوقات أصلًا؟ السبب يرجع إلى سينيفير، والدة تاليا. سينيفير أعطت أحد خدمها أداة/شيئًا سحريًا يتسبب في جذب الوحوش والتنانين ومهاجمتها للناس. والظاهر أن هدفها الأساسي كان التخلص من غاريث وأيلا، حتى تفتح الطريق أمام ابنها الآخر للوصول إلى العرش ويصبح هو ولي العهد بدل غاريث. والأخطر أنها، رغم كون تاليا ابنتها، ما اهتمت إذا أصابها الهجوم أو حتى ماتت خلاله؛ المهم بالنسبة لها كان تحقيق هدفها السياسي. يعني باختصار: سينيفير خططت للهجوم → الوحوش والتنانين هاجمت → تاليا تورطت بالكارثة → فاركاس فقدها أمام عينه → والكل بدأ يبحث عنها → ولما لقوها كانت حالتها مأساوية. وهنا تصير اللحظة أقوى؛ لأن تاليا كانت طوال الوقت تعتقد أن فاركاس ممكن يختار أيلا عليها، لكن وهي تحت الحطام، أول شخص نادته وانتظرت مجيئه كان فاركاس. 😭 المشكلةةة تشوهتت رجلين تاليا ولو لا ماعالوجهاا كانت مارح تقدر تمشي ابداً وبعد كل ذا صاارت تخجل من رجليهاا بشكل مو طبيعي ودائماً تغطيهم 😿💔💔💔 ماتستاهلل بنتيي ابداً عساها بحظچ وبختچ سنفورةة