دليتگ على الفرح يالعلمتني البچي ، و لو تدري يا صاحبي صدري شگثر بيه حچي .. من گثر ما مبتلي لساني بسگوته اگتفى .. مشگور ما قصرت ممنون منگ صرت ، فضلگ بيش اوصفه .. بصدري غرزت الرمح .. و تحط سم على الجرح .. و تگلي بيه الشفه .. بكل هذا ما يقتنع گلبي و يحسبگ وفي.. شگد غشيم الگلب يترچه منگ وفه.. حاولت اصد النفس ، عنگ و اغض النظر.. و امحيگ من خاطري و علمت گلبي الچفه .. و عاند وياي الگلب .. لمته و نهيته و بگه متمسگ بموقفه .. وياگ ضدي صفت شو روحي متاحلفه .. حگكَ اذا تكبرت ، لو عاملتني بعفه .. گلبي بشباگكَ وگع .. فراشه غيرها الضوه .. بعيونگ و امنت .. و تفاجات من لگت جنحانها مجتفه .. چا شرد اگلگ بعد ، و اندهلگ بيا صفه ..؟ و انت اقرب من النفس .. و من شفتگ اني الحزن من گل حياتي اختفى .. يا سلوتي و منيتي .. يا بسمتي و دمعتي .. يا مالگ العاطفه .. يا اترف من الورد .. بس يمگ انت انسعد .. من مرني طيفگ برد .. حضني على ثلچك دفه .. چا شرد اگلگ بعد ، و اندهلگ بيا صفه .. و عيوني لو شافتگ .. تفترسگ من الولع .. چن بيگ متحلفه .. و نوعين هو العشگ لو نسمه لو عاصفه .. شگلتين هو العشگ .. لو نسمه لو عاصفه ..