ما كان اعترافه بالحب مجرد كلمات انقالت وانتهت كان أشبه بشي ظل فترة طويلة محبوس بداخله وكل يوم كان يكبر أكثر إلى أن وصل لمرحلة ما عاد يكدر يخفيه ظل ساكت يراقب من بعيد يحفظ التفاصيل الصغيرة نبرة الصوت طريقة الكلام الضحكة اللي كانت تغير مزاج يوم كامل وحتى الأشياء اللي يمكن بالنسبة لغيره ما إلها معنى كانت بالنسبة إله عالم كامل كان يعرف أن الاعتراف مو سهل لأن الإنسان من يحب بصدق يصير يخاف من كل الاحتمالات يخاف من الرفض يخاف تتغير العلاقة يخاف تكون مشاعره أكبر من الطرف الثاني لكن رغم كل هذا قرر يحچي مو لأنه ضامن شنو راح تكون الإجابة وإنما لأنه تعب من حمل كلام بقلبه وما يعرف وين يوديه ولما قال أحبچ ما كان يريد وعد ولا كان ينتظر مقابل كان يريدها تعرف فقط أن أكو شخص صار وجودها يعني له أكثر مما كان يتوقع شخص دخلت تفاصيلها بحياته بدون استئذان وصارت ضحكتها راحة وحچيها أمان وغيابها فراغ ما يعرف شلون يفسره يمكن أبسط كلمة قالها كانت أحبچ لكن خلف هاي الكلمة كانت أكو أيام كاملة من التفكير وأكو خوف وأكو شوق وأكو مشاعر ما كدرت الكلمات كلها تحملها هو ما اعترف حتى يصير بطل بقصتها ولا حتى يثبت أنه يحب أكثر من غيره اعترف لأنه لأول مرة حس أن السكوت صار أصعب من الاعتراف وأن بعض المشاعر إذا ظلت مخفية فترة طويلة تتحول من إحساس جميل إلى ثقل بالقلب ولهذا كان اعترافه بسيط لكنه صادق لأن أجمل اعتراف مو اللي بيه كلام كثير وإنما اللي يطلع من شخص كان يكدر يسكت لكنه اختار لأول مرة يكون صريح ويا قلبه ومع الشخص اللي صار يعني له الكثير