السنوات اللي راحت ما كانت مجرد أرقام تتغير بالتقويم كل سنة أخذت مني شي وتركت بداخلي شي ثاني سنة خلتني أضحك أكثر وسنة علمتني أبچي بصمت سنة عرفت بيها ناس وصرت بعدها ما أثق بسهولة وسنة خسرت بيها ناس بس ربحت نفسي . . . أذكر نفسي قبل كم سنة وأشوف شكد تغيرت مو لأن الحياة صارت أسهل لكن لأنني صرت أعرف شلون أتحملها . . . الأيام غيرت تفكيري والناس غيرت نظرتي والتجارب غيرت قلبي حتى الأشياء اللي جانت تفرحني صرت أشوفها بعين مختلفة . . . مرت سنوات وأنا أگول باچر أحسن لكن كل باچر كان يجيب وياه درس جديد واليوم لما ألتفت لورا أفهم إن كل سنة راحت أخذت وياها جزء من طفولتي وبراءتي وأعطتني مقابلها وعي ما طلبته . . . يمكن السنين ما غيرت ملامحي بس غيرت الإنسان اللي بداخلي وصرت أعرف إن بعض السنوات ما تجي حتى تسعدك تجي حتى تعرفك على نفسك وتعلمك شكد أنت أقوى مما كنت تتصور #لا اعرف من اكون