تره مو سهل الواحد يترك مكان قضى بيه هواي وقت، وضحك ويا ناس، وسولف، وتعلّق بأشخاص يمكن ما شايفهم بحياته بس صاروا جزء من يومه. هنا عشنا أيام حلوة وأيام مو حلوة، ضحكنا من گلب، وزعلنا، وتصالحنا، وأكو ناس عرفناهم وراح يبقون بذاكرتنا حتى لو فرّگتنا الأيام. إذا يوم من الأيام غلطت على أحد، أو گلت كلمة ضايقت شخص، أو قصّرت ويا أحد بدون قصد، فوالله ما كان بگلبي شي.. وأطلب منكم تبرولي الذمّة وتسامحوني. يمكن أگدر أبقى، ويمكن أگدر أرجع، بس حاليًا أحس روحي تريد تبتعد عن كلشي. راح أشتاق للسوالف، للضحكات، وللناس اللي چان وجودهم يخلّي الدخول للتطبيق إله طعم ثاني. ما أريد أطوّل عليكم، لأن كلما أحچي أكثر يصير الوداع أصعب. و اكو شخص راح يضوج مني اعتقد مادري بعد والله