الناس أنواع وكل شخص إله طبع وشخصية مختلفة أكو ناس طيبين من قلب وما يتمنون الشر لأحد وإذا شافوك تحاولين حتى لو بعدك مو ممتازة يشجعوك ويوقفون وياك وأكو ناس حقيقيين وجودهم بحياتك نعمة لأنهم ما يتغيرون عليك حسب مصلحتهم وأكو ناس ما يعرفونك إلا وقت المصلحة من يحتاجونك يصيرون ألطف ناس وإذا خلصت مصلحتهم يختفون وكأنهم ما يعرفوك وأكو ناس منافقين يضحكون بوجهك ويحكون وياك بلطف لكن من تبتعدين عنهم يتغير كلامهم تمامًا وأكو ناس حاقدين مهما تسوين ما يعجبهم شي بيك وإذا شافوك فرحانة يحاولون يخربون فرحتك وإذا نجحتي يقللون من نجاحك وأكو ناس يغارون منك مو لأنك أذيتِهم بس لأنهم ما يتحملون يشوفون غيرهم يتقدم وأكو ناس يحبون يحبطون غيرهم كل ما تسوين شي يكولولك ما تعرفين ومو حلو وتخزي بدل ما يساعدوك تتطورين وأكو ناس ينتقدونك بس حتى يحسون نفسهم أفضل منك بس بالمقابل أكو ناس تشوف محاولتك وتفرح بيها وإذا غلطتي ينصحونك بدون تجريح وإذا تطورتي يفرحون أكثر منك وأكو ناس ما يهمهم شكلك ولا مستواك ولا شكد عندك يهمهم قلبك وشخصيتك وأكو ناس ما تعرف قيمتهم إلا بعد ما تخسرهم وأكو ناس تخسرهم وتكتشف إن وجودهم أصلًا كان متعب وأكو ناس تدخل حياتك حتى تعلمك درس وناس تدخل حتى تبقى وناس تمر مرور بسيط بس تترك أثر كبير لهذا لا تتوقعين كل الناس يكونون مثلك ولا تعطين كل شخص ثقتك من البداية خلي أفعالهم هي اللي تعرفك عليهم لأن الكلام سهل جدًا بس المواقف هي اللي تكشف الإنسان الحقيقي من المزيف والطيب من المؤذي والوفي ومنور حياة وثاني من صاحب المصلحة يضلم حياة✨