السلام عليكم ورحمة الله وبركاته. بصراحة، شو وظيفة المشرفين عندكم؟ مشرفين للزينة ولا بس الاسم موجود بدون أي دور؟ إذا أنتم مشرفين، المفروض تكونوا أول ناس تتابعوا المشاكل والبلاغات وتحاولوا تطوروا التطبيق وتحافظوا على المستخدمين. إحنا مش عاجبنا الوضع الحالي، وكل مرة نبلغ عن شخص مخالف يكون الرد: «احظروه». طيب وإنتوا شو دوركم؟ إحنا كمستخدمين نحظر، نبلغ، ونحاول نتعامل مع المشكلة، وأنتم شو بتعملوا؟ إذا بدكم تطوروا التطبيق وتسمعوا للمستخدمين، إحنا معكم وما عندنا أي مشكلة، بالعكس هذا الشيء اللي بدنا إياه. لكن إذا بدكم تضلوا على نفس الوضع، وكل مشكلة يكون حلها «حطوا حظر عادي»، فبصراحة إحنا ملينا. ملينا من نفس المشاكل، وملينا من إننا نبلغ وما نشوف أي نتيجة. التطبيق بحاجة لتطوير فعلي، والمشرفين لازم يكون إلهم دور واضح وفعّال، مش مجرد اسم «مشرف». فيا ريت يا إما تقوموا بدوركم فعلًا وتشتغلوا على تطوير التطبيق وحل المشاكل، أو وضحوا لنا مين المسؤول فعلًا عن متابعة البلاغات والمخالفات؟ لأن الوضع الحالي بصراحة ما عاد ينطاق، وإحنا تعبنا من كثرة الكلام بدون أي تغيير.