بنصهم صيح احبك خل يسمعون الجندي المو شجاع يفشل القادة الله انطاني غيرة زيادة عن الناس وانت الله بحلاتك حطلك زيادة مغثات الوكت والعوز والحرمان انساهن من اشم حدر الكلادة واريدك من نفوت بشارع الشمات ياهو الي تشوفة احضني بعنادة تطغي عليه اريدك بالنشد والشوك مو تمشي وية غيري عليه تتماده احبك يا سمار الكاع وكت الغيض شفت غيرك ذهب بس كلبي ماراده مكارب الخناجر ما تصير سيوف وانا سيف السمار وطولك اغمادة اباتن بالقلق من ما يجي المرسال مثل عام ونام مشتم الساده واذا نتلاكه صدفة وتبتسم وياي ارد مثل اليزور ومحصل امرادة وتجيني واخاف اغثك ما اشمن بيك ترد لهلك و ارد اشتم بل وساده موش انا اليحبك يوم او يومين انا المجروح كلبي ورادك اغمادة ؟