#@رسالة
أنا ساعات ببقى نفسي أقولك قد إيه إنتِ غالية عندي، بس بحس إن أي كلام هقوله مش هيقدر يوصف اللي جوايا ناحيتك ❤️ إنتِ مش مجرد بنت بحبها وخلاص، إنتِ بقيتي جزء من يومي ومن تفكيري ومن كل حاجة حلوة بعيشها. بقيت أفرح لما أشوف اسمك، وأبتسم لما أسمع صوتك، وأحس إن الدنيا أهدى لمجرد إنك موجودة فيها 🥹❤️
أنا بحب فيكي كل حاجة… ضحكتك، كلامك، طريقتك، اهتمامك، وحتى التفاصيل الصغيرة اللي إنتِ ممكن تشوفيها عادية، أنا بشوفها أجمل حاجة فيكي. ومهما الأيام عدّت، نفسي أفضل الشخص اللي يطمنك لما تخافي، ويفرحك لما تزعلي، ويقف جنبك في كل وقت، مش بس وقت ما تكون الدنيا حلوة.
وأجمل حاجة حصلتلي إني لقيت شخص قلبي اختاره من غير ما يستأذنني، وشخص نفسي أفضل معاه وأشوفه بيحقق كل أحلامه وأنا جنبه ❤️ ولو سألتيني إنتِ بالنسبة لي إيه؟ هقولك: إنتِ راحتي وسط الزحمة، وضحكتي وسط الزعل، وأجمل صدفة حصلتلي في حياتي.
ومهما أقولك "بحبك"، هتفضل الكلمة قليلة على اللي جوايا… لأن أنا مش بس بحب وجودك، أنا بحب وجودي وأنا معاكي ❤️🥹 وربنا يخليكي ليا، وما يحرمنيش منك، ويفضل قلبي كل يوم يختارك إنتِ… زي أول مرة وأكتر. ❤️@jojo09
22
4 yorum