:📢 إعلان هام جداً.. فكرة برة الصندوق ومفيش زيها! 😉✨
بما إن مفيش ورايا أي حاجة والجامعة طارت، قررت أستغل وقت الفراغ ده في حاجة جامدة جداً! هنعمل مجموعة فريدة من نوعها ومستحيل تلاقوا زيها في أي مكان. الجروب ده معمول مخصوص للولاد.. بس مش أي ولاد، اسمعوا مني بقى:
👥 مين اللي هينورنا في الجروب؟
المحتار: اللي بيحب بنت ومش عارف يعترف لها إزاي.
المقفول في وشه السكة: اللي عايز يكلم بنت بس هي قفلت الشات.
المحظور (بلوك): اللي قال كلمة غلط من غير قصد والبنت صدمته ببلوك متين.
اللي عايز يتعرف: وعايز يفهم البنت دي بتفكر في إيه أو بتحب إيه.
.🕵️♂️ إحنا هنعمل إيه بالظبط؟
إحنا دورنا هندخل نكلم البنت دي، ونفهم منها بكل هدوء.. ليه عملت البلوك؟ هل ممكن ترتبط؟ ونقرب المسافات يا أهل الخير! بس خلوا بالكم: أنا مش بوعدكم بحل سحري! البنت لو عنيدة أو مش عايزة، مش من حقي أغصبها، بس إحنا بنعمل اللي علينا ونحاول نساعد
.🛡️ الإدارة والمشرفين
(ممنوع الهزار!)الجروب ده ليه مشرفين هما اللي مسؤولين عن كل صغيرة وكبيرة قدامي،
⚠️ القوانين والتعليمات
(اللي هيخالف.. هشرشحه!) 🤬🔨ركزوا معايا كويس عشان ربنا ما يوريكم الوش التاني! اللي هيخالف القوانين دي ملوش عندي غير طرد وفضيحة وشرشحة عمره ما شافها في حياته:⏱️ العدد محدود: أنا والمشرفين هنختار كل يوم ولدين أو تلاتة بالكتير نسمع مشكلتهم، لأن وقتي ضيق ومش هلاحق على كله.🛑
ممنوع التنمر: مفيش أي حد يسخر أو يقلل من مشكلة حد تاني، إحنا رجالة وكبار ومش محتاجة أنبهكم.
💬 الكلام على المكشوف: كل كلامنا ومشاكلنا هتتحكي جوة الجروب وبشكل قانوني وقدام الكل.
❌ إخلاء مسؤولية: أي حد من المشرفين يكلمك على "الخاص" ده برة مسؤوليتي تماماً، أنا مشؤولة عن اللي بيحصل جوة الجروب بس!
🥳 وقت الفرفشة: في الوقت اللي مش بنحل فيه مشاكل، الجروب شغال رغي وفرفشة عادي جداً بس باحترام.
مفهوم يا شباب؟ الكلام واضح ومستنياكم تنورونا عشان نبدأ الشغل بجد! 💪🔥
6
コメント 2件