يسعد مساكم يا جماعة (أو صباحكم حسب إيمتى بتصحوا) 😉 بدي أحكي كلمتين واسمعوني منيح، لإنو التفاعل عندي صاير زفت الطين، وعيشتكم وعيشتي صايرة بتزهق! يعني كل اللي بيتابعني يتفاعل ويحط لايك وكومنت، وإلا قسماً عظماً... مش عارفة شو أدعي عليكم بس يلا! شو أنا ميتة وقاطعة حالي عشان أشحن نت وأطلكوا، وإنتو مش مقدرين؟ والله العظيم برميكم من بلكونة الجيران! لإنو ما عنا بلكونة، وبلكونتهم عالية بالرجيع بالطابق الثالث، عشان تنزلوا متكسحين ومفشكلين! 😂 صحيح أنا بغيب كثير وبظهرش إلا كل ١٣ ساعة، بس الحق مش علي! الحق على بنت جيراننا الحقودة الشرانية.. من يوم ما عرفت إني اشتريت جوال جديد وهي حاسديتني وعينها فيه! صرت كل شوية أبخره وأقرا عليه قرآن من خوفي، والله خايفة تروح عند مشعوذ تعمل لتلفوني سحر وتطير صرصور عقلي! 🤦‍♂️ وكل يوم والثاني مغيريتلي كلمة السر تبعت النت.. الله ياخدك يا بعيدة يا حقودة! بس لا تخافوا عليها، كل كلمات السر عندها وأنا بضل وراها وأحاول لحد ما ألقطها وأشبك. 😎 المهم هسا.. كل واحد فيكم يشير قناتي وينشرها بكل مكان، بدي أصير مشهورة غصبن عن راضي وزعلت! مفهوم وإلا شو؟ يلا عاد، أكيد مش مستنيين أرميكم من بلكونة الجيران وتتكسحوا! فرجوني الهمة والتفاعل الليلة! 💪🔥