يسعد كل أوقاتكم! معكم داليا.. من أرض الله الواسعة والبركة تملأ خطاي 🇵🇸✨ العمر كله لِإلي يا رب بنجاح وفرح! أنا البنت الفرفوشة العسولة، اللي رفعت راس أهلها ونجحت بالثانوية العامة بامتياز.. طبعاً ولا شو! ولأنو الدنيا مقامات وبابا حبيبي على قد حاله بس قلبه أكبر من الدنيا، حب يكافئني واشترالي هاد التلفون "المستعمل". أنا طرت من الفرحة، يكفي إنو من ريحة تعب أبوي! وبما إنو ما عندي شريحة وبلقط نت من الجيران، ذكائي دلّني أفتح حساب صاحبة التلفون القديمة.. وطلعت بنت لطيفة وأمورة بس مش متفاعلة، فأخدت الحساب وصرت أنا صاحبة المكان. لهيك رجاءً، ما حد يحكيلي "أنتي فلانة"، أنا داليا وبس!وعشان نكون على نظافة من الأول: الدردشة الخاصة عندي مسكرة وقفلها حديد! ما بدي أولاد يبعتوا "هاي" و"مرحبا".. أنا صبية بعرف مصلحتي، وأنا اللي بختار لمين أحكي. بس أي بنوتة طيبة وأمورة حابة تكسب أخت وسند وصديقة فرفوشة، عيوني إلها وأهلاً وسهلاً بيكي بقلبي قبل حسابي! 🤍🌸