في ناس بتفكر إن أهم إشي تعمله هو العبادة قدّام الناس، وبتنسى اللي بينك وبين ربك. اسأل حالك... لو ما حدا شافك، هل رح تضل تترك الحرام؟ وهل رح تضل تصلي بنفس الحرص؟ قال الله تعالى: !(﴿يَعْلَمُ خَائِنَةَ الْأَعْيُنِ وَمَا تُخْفِي الصُّدُورُ﴾) يعني ربنا بعرف النظرة اللي محدش انتبهلها، وبعرف النية اللي جوّا قلبك، وبعرف كل إشي بتخفيه. عشان هيك لا يكون همّك شو الناس بتحكي عنك، خلي همّك كيف وقفتك قدّام رب العالمين. لأن يوم القيامة ما رح ينفعك مدح الناس، اللي بنفعك عملك وإخلاصك. الله يجعل سريرتنا أحسن من علانيتنا، ويثبتنا على طاعته.