في أحد مشاهد مسلسل Invincible، بيظهر حوار مع أحد أعوان إبليس بعد ما تم استدعاء البطل علشان يواجه كائن متصوَّر إنه أقوى من إبليس في عالم الجحيم. الفكرة هنا مش مجرد خيال، لكنها بتقلب المعنى: إبليس يظهر كأنه منقذ، مع إن ديننا بيؤكد إنه أصل الإضلال وعدو الإنسان. ومش بس المسلسل دا ، اغلب المسلسلات والافلام الاجنبيه وحتي الانمي والانميشن الي بتظهر فيها شياطين فغالبا بيكون الشيطان فيها البطل الخفي المظلوم الي الناس فهمينه غلط وحتي لو شرير فبيكون شرير له هيبه وكاريزما تخليك تعجب بيه وبشخصيته الشريره وواحده واحده الناس بتبدأ تتقبل الفكره وكانه عادي ربنا قال: "إِنَّ الشَّيْطَانَ لَكُمْ عَدُوٌّ فَاتَّخِذُوهُ عَدُوًّا"، وقال كمان: "وَلَا تَتَّبِعُوا خُطُوَاتِ الشَّيْطَانِ". الآيات دي واضحة: العداوة ثابتة، ومفيش فيها تأويل. حتى لو الواحد شايف إن ده مجرد محتوى ترفيهي، فالتكرار بيهوّن الباطل وبيخلّيه مألوف. وده اللي الدين حذّر منه، خصوصًا لو فيه سخرية أو تشكيك في الحق. فالأسلم إنك تبعد عن أي حاجة تلبّس الباطل لبس الحق، حفاظًا على قلبك قبل أي شيء. وخليك فاكر ان من ترك شيئا لله عوضه الله خيرا منه ربنا يثبتنا جميعًا. من Nabih EL Sayed