البارحة جان عندنا إمتحان إسلامية الدرس الثالث إمتحنا و الحمدلله شنسوي بعدها نشرد او نهرب من المدرسة، نعم طلعنا من قاعة الأمتحان آني و أدومي الوصخ @JXNJ_2 و لود ثاني إسمه حسين حسن راح اسميه المربع لأن جسمه مربع المهم، حضرنا جنطنا[حقائبنا] و ردنا نهرب من إحدى الأبواب و نتفاجئ بأن كل الأبواب صعب الوصول لها لأن الرئيسي كان امام القاعة الإمتحانية و الطلبة يمتحنون بها في ذاك الوقت اما الثانوية كانت مقفولة اما الثالث صاير خلف الحمامات و نتفاجئ بن تم ربط الحمامات من الجهة اليمنى بالقاعة الإمتحانية بالأشواك آني و المربع صفنا و آدم كان جنب الحقائب فلاحظت أن الجهة اليسرى مفتوحة لكن مغطاة بسعف النخل صحت المربع فطفر و أنا صحت آدم و جبنا الحقائب و طفرنا طبعا رحنا للشارع العام و طلبنا تكسي يوصلنا لبيت المربع حتى يجيب فلوس وصلنا جبنا فلوس و أجرنا تكسي آخر و رحنا لصالة ألعاب و أخذنا بلي ستيشن 5 و لعبنا كود[cod] خلصنا الگيم جان تنطفي الكهرباء فأجى ولد سوري گال صار عطل بالكهرباء و تتأخر حتى تجي فأخذنا كراسي على البالكونة و المربع إشترى جگاير يدخن و أحنا أخذنا ببسي و دگ سوالف اليوم الصبح يگلولنا المدرس ابو الأحياء ماخذ أسمائنا للأدارة و نقصنا خمس درجات من إمتحان الشهر الأول دگة ولا اروع 😍💔