السلام عليكم ورحمه الله وبركاته في كثير ناس اليوم مفكرين إنو العلاقة بين شاب وبنت شي عادي… محادثات، صور، ضحك، "نية زواج" — بس كلها برا إطار الحلال! طيب ليش ؟!… انا بقلك وبقنعك أن شاء الله .. اسمع الزوجة الصالحة ما بتسمح لأي شب يحكي معها، ما بتخون ثقة أبوها وأهلها فيها، لأن البنت اللي بتفوت بعلاقة محرّمة مع واحد، ممكن تفوت مع غيره! وإذا خانت ثقة أهلها يلي ربوها من وهي طفلة، أكيد رح تخون ثقة أي شب يعاملها بجدية. ونفس الشي الشاب… الزوج الصالح ما بيقعد يحكي مع البنات، اللي ما بيرضاه على أخته، ما بيجوز يرضاه لبنات الناس. الزوج الصالح مش ابن مواقع ولا ابن شوارع. الزوج الصالح بيجي لما تخاف ربك، وتدعي، وتلتزمي بدينك ،وتشتغلي ع حالك صح. ما بيجي من محادثات ، ولا من "قصة حب" ولا من علاقة وهمية إذا بدك زوجة صالحة؟ خليك ابن تربية صالحة. وإذا بدك زوج صالح؟ خافي ربك واحفظي قلبك وعقلك. قال تعالى: {الطيباتُ للطيبين والطيبونَ للطيبات}* سورة النور - الآية 26 العلاقات المحرّمة ما فيها "نية طيبة"، فيها ذنب، ومعصية، وتضييع للعمر، وجرح للقلوب. ✋🏽 خاف ربك… واسأل حالك: لو متت اليوم، على أي حال راح تلقى الله؟ على علاقة خفية؟ على رسائل حرام؟ على صور ووعود كاذبة على اشي ما بترضاه عأختك وبترضاه عبنات الناس؟ قال رسول الله ﷺ: «كلُّ بني آدم خطّاء، وخيرُ الخطّائين التوّابون» رواه الترمذي (2499) وحسنه الألباني. فارجع… باب التوبة مفتوح، وربنا كريم ابدأ من اليوم، لا تؤجل. والله المستعان 🤍🌺 #سلسلة_همسات_للروح #الهمسه_الثانية #نصائح_دينيه