كونيتشيوااااا مينا سااان🌸✨ بقولكم سالفة صارت لي أنا وعادل @Adel_1543 ، فـ مزرعة جدي اللي ورا البيت، وسالفة ما أنساها لين الحين. كان الوقت بعد المغرب بشوي، جدي داخل البيت، وأنا طالعة المزرعة أجيب شي. عادل قال: «خلينا نطلع مع بعض، لا تروحين بروحش.» المزرعة معروفة، نخيل، أشجار، وساقية ماي قديمة، والظلام هناك غير… هدوووء يخوّف. نمشي شوي، وفجأة نسمع حسّة دعس بين النخيل. وقفت وقلت: «عادل… تسمع ولا أنا أتخيل؟» قال: «أسمع، بس يمكن بس سنور.» سنور يعني قط بس الصوت ما وقف، بالعكس قرب، ومعاه ريحة غريبة، مو ريحة زرع ولا ماي. قلت له: «عادل خلينا نرجع، ما مرتاحة.» قال: «اصبري بس نطلع من صوب الساقية.» وأول ما قربنا الساقية، سمعنا صوت ماي، مع إنها ناشفة من سنين. التفتّ، وشفت ظل طويل بين النخل، ما كان واضح، بس حسّيته يطالع فينا. عادل همس: «لا تطالعين… امشي بس.» نمشي، بس رجولنا ثقيلة، وكأن الأرض ماسكتنا. وفجأة نسمع صوت ناعم بس يخوّف: «ليش دخلتوا المزرعة…؟» قلبي طاح، ما قدرت أتكلم. عادل بدأ يقرأ قرآن، وأنا وراه بصوت عالي😂. أول ما وصلنا باب البيت، النور ضرب، وكل شي وقف. لا صوت، لا ظل، ولا شي. دخلنا، جدي شافنا وقال: «ها؟ وش فيكم متغيرين؟» ولا واحد منا تكلم وبعدها بوقت، جدي قال: «ترى المزرعة هذي… ما زينة فـ الليل، لا حد يقربها.» نظرت لعادل، وهو فهمني بدون كلام. ومن ذاك اليوم، ما دخلت مزرعة جدي قرب المغرب، حتى لو كانت ورا بيتنا وبس انا قلت لكم القصة لإنه عادل بعد كتب لكم قصة😂✨ #Animeista #قصص_رعب #رعب