غزه يا وجيعة العرب يا نبض القضية اليوم الدنيا كلها تشوف فيك تنزفي دم ووجع وأنتي واقفة صامدة كيف جبل ما يهزّك ريح يا غزه كل شارع فيك يحكي حكاية شهيد وكل دار فيك فيها دمعة أم تبكي ولدها وكل طفل فيك رسم حلمه فوق جدار مهدم اللي يصيرلك يا عزه مش ساهل قصف ودمار، وحصار خانق من سنين طويلة ومع هذا واقفة رافعة راسك تقول ما نركعوش والله يا غزه نعرف إن الكلام ما يخففش من وجعك لكن قلوبنا كلها معاه من ليبيا لين آخر الدنيا ✦ أصعب شي إنك تسمع صرخة طفل تحت الركام أو تشوف يد صغيرة ممدودة تستنى المساعدة أو عيلة كاملة تنمحي في لحظة بس الأصعب أكثر إن العالم يتفرج وما يدير شي ومع هذا غزه تبقى عنوان العزة مدرسة في الصمود تعلمنا شن معناها الكرامة حتى لو كنتي محاصرة اللي يصيرلك يا غزه هو امتحان لينا كلنا هل بنوقف مع الحق ولا نطأطوا راسنا ونخافوا وأنتي رغم الألم تبعثي في  رسالة الحرية غالية والكرامة ما تتشرى ✦ نرفع إيدينا ندعيلك يا غزه يا زهرة فلسطين ربي يحفظك ويصبر أهلك ويجعل دم الشهداء نور في درب النصر والله العظيم كل يوم نتعلم من صبرك ونشوف فيك المرآة اللي تورينا حقيقتنا يا غزه حتى لو الدنيا كلها سكّت، أنتي صوتك واصل، أنتي دمك شاهد وأنتي بإذن الله حتعيشي يوم الحرية ونشوفوا علم فلسطين يرفرف عالي ونقولواهذي غزه اللي ما خانتش، واللي ما ركعتش #غزه