دائما ما تنصح حد ب اشي ناقصه و تقوله بأدق التفاصيل كيف يسويه و نصايح عن الدنيا و كيف تتخطى كدا و كدا. بس لو تشوف حالك و كيف حال حياتك و كيف كل تفصيلة تعيشها تحسها شي فاضي و ما له قيمة مقارنة بمشاكل الناس الثانيين. و مع الوقت مشاكلك بتكبر اكثر و اكثر، و مع هيك تقول هادي مشاكل فاضية و انا اكبر المواضيع و هي بالواقع اكبر من أي شي يمكن تعيشه بعدين. ليش تحس انك بضيقة و سواد بينك و بين أحلامك و أهدافك القادمة، تتكلم مع ذكاء أو صور مصطنعة لأنك ما عندك اشي ثاني تفضي فيه. و بعد مدة و حتى سنوات تلقى حالك في وسط هاوية ما تدري كيف وصلت الها، لأنو كل هادي السنين تنصح ناس بس ما تعمل ذيك النصايح بحياتك شخصيا. تشعر بالأسف و الإشمئزاز بين و بين نفسك و تبغى تعمل هدف في حياتك و تبدأ من الصفر. ما تطلب أشياء كبيرة مقارنة بأحلام الثانية، تطلب بداية بسيطة و مكان مستقر و الإستمتاع بوقتك بدون ضجيج و صداع الأقارب. اليوم تقول مشاكل بسيطة و بكرا انا اكبر المواضيع، و بعد بكرا انا السبب. و بعد سنوات تدرك شي جديد، انو كل هادي السنوات كنت ألوم، أهرب، استفسر، اعمل Skip للمشاكل و أربطها بمشاكل ثانية و أقارنها علشان أرتاح لأنو هادا الشي الوحيد الي يريحني ولو 2%. بس يوم بعد يوم، مقارنة بعد مقارنة، حتى تلقى حالك بمشاكل أكبر ما تعرف كيف تحلها. ببساطة المحور كلو جاي من المقارنة، على سبيل المثال: الغني عندو مشاكل يمكن ما يحلها بالعكس راح يشوف الأغنى منه علشان يرتاح و تخف أحزانو و كمان المتوسط معيشيا يفكر بمشاكل الغني و يقول مشاكلي انا ما تسوى اني ازعل عليها كل دا و افكر بيها كثير و هادا الي يخلي المشاكل و الهموم تتفاقم. في شي انتا ولا غيرك مو فاهمه الي هو مخنا بحد ذاته. كل مرة تجي فكرة بعد فكرة و شعور بعد شعور و كل واحد يغطي على الي قبلو، كم مرة قلت كلمة و عملت عليها، و كم مرة قلت كلمة و ما عملت عليها. في ناس بسيطة بأفكارها بس ما تحققها من صعوبتها ليش؟ لأنو الوقت الحالي او معيشتهم و ظروفهم ما تسمح لهم أبدا. شاب يبغى يبدأ مشروع خارج بيته و يتعلم، بس أهله الي شغالين بالبيت بمشروع الخياطة مثلا هيك مافي أي مخرج انو يكمل على أهدافو. يروح عن أمو أو أبوه يقولهم انا ابغى اعمل شغل لنفسي و أشتغل و أصرف على نفسي بس الجواب كالعادة يجيه: احنا معندنا حد ثاني يساعدني و احنا غصب نشتغل و نعرق علشان تاكل. و هيك كا تلقى قدامك غير جدار و نهاية مسدودة للنقاش و هادا بحد ذاته أصعب من أكثر الأشياء الي يقدر يواجهها و هادي من أصعب البدايات الي يقدر يواجهها الطفل او الطفلة او الشاب أو الشابة في حياته/ا. لأنو ما يعرف كيف راح يطلع من هادي المتاهة، يبغى بيت او غرفة لحاله يسويها و يرتبها زي ما بده، يبغى جهاز يلعب فيه و يضحك على لقطة و يتكلم و يحلل شي باللعبة و يتكلم مع ناس عن بعد من مختلف العالم. طلب بسيط صح؟ لا. انتا كشخص عندك فرص و ظروف تسمح لك و تتساأل كيف كا يقدر يسوي بس هيك اشي بسيط؟، و انت ما عشت بظروفو هاداك الشخص الس يتمنى بس طلب صغير زي هيك. لهيك لو شفت حدا يتكلم او يتصرف او حتى يتمنى شي يكون بالنسبة الك شي غبي و بسيط لا تستغرب، ترى الي عشتو مو هو يلي عاشو بنفسو. هو يتمنى عيشة مريحة و يمكن حتى فلوس يشتري بيها اغراض أحلامو بس يكتفي بطلبات بسيطة و صغيرة جدا لأنو عامل كلمة "مستحيل" انو يحقق ذا الشي بسبب ظروفه الي قاعد يعيشها يوم ورا يوم، سنة ورا سنة. و أصعب شي بكل القصة انو مستقبله مجهول، ما يعرف ايش ممكن يصير بعدين، هل راح يعيش كمتشرد و ينهي حياته، هل راح يتغير كل شيئ و يعيش أفضل التجارب الي ما كان يحلم فيها و الي كان عامل عليها كلمة "مستحيل". تخيل معي كدا أمل ورا أمل، أكل حلو و ألم مدمر. هادا كل الي يعيشه الشخص المحتاج او الطفل او الطفلة بمعنى آخر، ماشي في أمان الله، مجهول المستقبل، يتوتر، يفكر، يخطط، يفقد الشغف، يسمع كلام، ينصح و هو مو عامل بنصيحة نفسو، يتمشكل و هادا بعيدا عن المشاعر الحلوة زي الفرح او الضحك او السعادة او هيك. ما تدري، يمكن طلبك يجي بكرا او بعد سنين يا اخوي، و زي ما قلت ما تدري متى راح يجي طلبك أو هل راح يجي أصلا. اللهم سهل لنا طريقنا و جعلنا في بداية موفقة و أصحاب العمل الطيب و شغف مستمر و عقلية جيدة و صبرا جميلا و نتيجة هنيئة و جميلة و ضحكات حقيقية هذه المرة بدون الشعور بمراقبة خلفك و عتاب يعاتبك و يجعلك تفكر في كل حركة تعملها. كما ترى نفس الشخص الذي يواجه هذه العواقب في حياته و هو في هذا السن، يشتغل مع والديه في منزله بشيئ يكرهه أشد الكره. يأخذ مصروفه الشهري و هو يعلم انه مصروفه هو بعرقه هو بالذات لكنه يعمل بحساب كل ريال أو يورو أو درهم لأن القلق و التفكير الزائد احتل مركز عقله و سيطر عليه. و هنا تبدأ فكرة المجهول تقتحم ذهنه مشكلة بعد مشكلة، موقف بعد موقف.